Qəzəbli Finiks

Sevgilisi tərəfindən tərk edilən Dyu adlı gənc qız kədərini spirtli içki ilə unutmağa çalışır. Sərxoş vəziyyətdə olarkən kimsə onu qaçırmağa cəhd göstərir. Qızın köməyinə usta Sanim, eləcə də Ki Mu və Ki Ma adlı küçə səfillərindən ibarət qeyri-adi bir dəstə çatır.

Xilaskarlar Dyunu öz himayələrinə götürürlər, az sonra isə onların arasına saçında dredləri olan Ki Kvay da qoşulur. Yeni dostlar qıza sərxoş tay boksu və hip-hop rəqs hərəkətlərinin sintezindən yaranan Meyrayyut döyüş sənətinin sirlərini öyrətməyə başlayırlar.

«Qəzəbli Finiks» (Jija - Deu suay doo) döyüş filmi 2009-cu ildə Tailandda lentə alınıb. Layihənin rejissoru Raşan Limtrakuldur, baş rolları isə Yanin Vismitananda, Patrik Tanq, Tim Man və Devid Bueno canlandırıblar.