Qüdrətli uşaqlar

Muay-tay məktəbinin azyaşlı tələbələri təcrübəli ustadın rəhbərliyi altında davamlı məşq edirlər. Yalnız aralarındakı ən kiçik uşaq olan Bun xəstə ürəyinə görə fiziki dərslərdən kənarda qalır. Qəfil vəziyyət pisləşəndə ona təcili ürək köçürülməsi tələb olunur.

Balaca idmançılar dostlarını xilas etmək üçün təxirəsalınmaz addım atmağa qərar verirlər. Donor orqanını əldə etmək üçün uşaqlar öyrəndikləri döyüş fəndlərindən istifadə edərək təhlükəli terrorçuların arasından keçməlidirlər.

2009-cu ildə Taylandda istehsal olunmuş «5 huajai hero» döyüş komediyasının rejissoru Krissanaponq Raçatadır. Əsas rolları Qreq Yorqensen, Navarat Teçaratanaprasert, Veerasak Boonçard və Nantavuti Bunrapsap canlandırıb.