Hədəf

Tanınmış korporasiya rəhbərinin qətlindən sonra keçmiş muzdlu qatil şübhəli şəxs qismində saxlanılır. Əməliyyat zamanı yaralanan bu şəxs xəstəxanaya yerləşdirilir və polisin ciddi nəzarəti altında saxlanılır.

Tezliklə qatilin cinayət ortaqları onu xilas etmək qərarına gəlir və həkimin hamilə həyat yoldaşını qaçırırlar. İndi həkim doğmalarının həyatı naminə xəstəxana palatasındakı məhbusun oradan qaçmasına kömək etməlidir.

Cənubi Koreya istehsalı olan «Pyojeok» trilleri 2014-cü ildə rejissor Çxan tərəfindən çəkilib. Filmdə əsas rolları Ryu Sın-nyon, Kim Son-nyon, Yom Ci-yon və Kim The-hvan canlandırıblar.