Hitmen

Uşaq ikən valideynlərini itirən oğlan rəsm çəkməyə böyük maraq göstərsə də, yaxşı döyüş bacarığına görə gizli dövlət proqramına cəlb olunur. İllər keçdikcə o, xüsusi xidmətin ən güclü agentinə çevrilir. Ağır tapşırıqlardan cana yığılan Çun nəhayət öz ölümünü saxtalaşdırıb təşkilatdan uzaqlaşmağa qərar verir.

On il sonra keçmiş kəşfiyyatçı başqa ad altında ailə qurur və çoxdankı arzusunu gerçəkləşdirərək vebtunlar çəkməyə başlayır. Lakin onun rəqəmsal komiksləri heç cür bəyənilmir və azsaylı oxucuların sərt tənqidləri ilə qarşılaşır. Bir axşam spirtli içki qəbul edən qəhrəman keçmiş kəşfiyyat həyatından bəhs edən bir hekayə çəkir, həyat yoldaşı isə bu gizli məlumatları internetdə yayımlayır.

2020-ci ildə ekranlara çıxan Cənubi Koreya istehsalı olan «Hitmen» filminin rejissoru Çhve Von-sopdur. Komediya və döyüş janrındakı layihənin baş rollarında Von U, Li Van-su, Pyon Don-uk və Lim Hyo-cin çəkiliblər.