Mutant ovu

Gələcəkdə insanlara yardım etmək məqsədilə xüsusi kiborqlar hazırlanır. Lakin gözlənilmədən bu mexanizmlərin bir qismi idarəetmədən çıxaraq ətrafdakı insanları öldürməyə başlayır. Şəhərdə qorxulu vəziyyət yaranır və hadisələrin səbəbi naməlum qalır.

Üsyan qaldırmış robotları dayandırmaq üçün muzdlu döyüşçü Mət Riker və onun komandası işə cəlb olunur. Onlar təhlükəli varlıqların izinə düşərək baş verənlərin arxasındakı sirri araşdırırlar. Dəstə çox keçmədən aşkar edir ki, kiborqları qəddar qatillərə çevirən xüsusi bir narkotik maddədir.

ABŞ istehsalı olan «Mutant Hunt» elmi-fantastik döyüş filmi 1987-ci ildə işıq üzü görüb. Ekran əsərinin rejissoru Tim Kinkeyddir. Əsas rolları Christina Sisinni, Ouen Flinn, Daq Devos və Meri Feyhi canlandırıblar.