Gödələn

Kerri Uisk xüsusi sifarişləri yerinə yetirən peşəkar helikopter pilotudur. Şəhərin mərkəzindəki səksən altı mərtəbəli nəhəng binada isə gözlənilməz hadisələr başlayır. Silahlı terrorçular bütün çıxışları bağlayaraq mühafizəçiləri zərərsizləşdirir və ofis işçilərini girov götürərək binanı nəzarətə alırlar.

Cinayətkarların əsas məqsədi xüsusi elektron qurğu olan çamadanı ələ keçirməkdir. Nəhəng dəhlizlərdə tək-tük diqqətdən yayınan insanlar qalsa da, terrorçular hər tərəfə hakim olduqlarını düşünürlər. Lakin onlar binanın damına Kerrinin idarə etdiyi helikopterin eniş edəcəyini və planlarını pozacağını hesaba qatmırlar.

ABŞ istehsalı olan «Skyscraper» döyüş filminin rejissoru Reymond Martinodur. Triller janrında çəkilmiş ekran əsəri 1996-cı ildə təqdim edilib. Əsas rollarda Deyrdre İmerşen, Deniel Smit, Vinsent DePalma və Derin Menqen çəkiliblər.