Ağlayan adam

Peşəkar qatil Qon növbəti tapşırığı icra edərkən təsadüfən balaca bir qızın ölümünə səbəb olur. Çox keçmədən ona yeni hədəf göstərilir. Qatilin qarşısına həmin uşağın anasını aradan qaldırmaq vəzifəsi qoyulur.

Törətdiyi əmələ görə vicdan əzabı çəkən qatil bu dəfə əmri yerinə yetirməkdən imtina edir. O, qadını öldürmək əvəzinə, keçmiş işəgötürənlərindən qorumaq qərarına gəlir və əvvəllər çalışdığı dəstəyə qarşı çıxır.

Cənubi Koreya istehsalı olan «Uneun namja» filmi 2014-cü ildə ekranlara çıxıb. Ekran əsərinin rejissoru Li Con-bomdur, rollarda isə No Hyon-von, Aleksandr Reyt, Kim Cun-son və Cennifer Battell çəkiliblər.