Böyük partlayış

Nümunəvi ailə başçısı Park Man-sunun nizamlı həyatı bircə günün içində tamamilə dağılır. O, həm sevimli həyat yoldaşını, həm də işini eyni vaxtda itirir. Həmin axşam ictimai asayişi pozduğu üçün polis şöbəsinə aparılan Man-su üçün problemlər bununla da bitmir.

Müvəqqəti saxlama yerində o, heç bir qayda tanımayan və istədiyi kimi yaşayan Yan Çol-qon ilə tanış olur. Tamamilə fərqli baxışlara sahib bu iki nəfər ortaq dil tapır, əllərinə silah keçirərək şöbədən birlikdə qaçmağa müvəffəq olurlar.

2007-ci ildə nümayiş olunan Cənubi Koreya istehsalı «Ssonda» filmi döyüş, komediya və dram janrlarını birləşdirir. Ekran əsərinin rejissoru Park Çon-udur, əsas rolları isə Kam U-son, Qu Bon-un, Hvanq Te-qvan və Park Min-i canlandırıblar.