Inttelligent

Proqramçı Dharma Teca xeyriyyəçi iş adamı Nanda Kişorun yaratdığı uğurlu informasiya texnologiyaları şirkətində çalışır. Sahibkarın qazandığı uğurlar və sosial layihələri cinayətkar qruplaşmaların marağına səbəb olur. Viki Bhayın rəhbərlik etdiyi cinayət sindikatı bu biznesi zorla ələ keçirmək istəyir, lakin Kişor təhdidlərə boyun əyməkdən imtina edir və nəticədə qətlə yetirilir.

Hörmət bəslədiyi rəhbərinin ölümündən sarsılan Teca intiqam yolunu seçir. Özünə Dharma Bhay ləqəbini götürən gənc mütəxəssis mafiyaya qarşı amansız mübarizəyə başlayır. O, cinayətkar şəbəkəni daxildən darmadağın etmək və ədaləti bərpa etmək üçün təhlükəli addımlar atır.

Hindistan istehsalı olan «Inttelligent» döyüş və dram filmi 2018-ci ildə ekranlara çıxıb. Ekran əsərinin rejissoru Vinayyak V.V.-dir, əsas obrazları isə Siva Akula, Dev Gill, Prudhvirac və Fiş Venkat canlandırıb.