Səmaya doğru

«Qara qartal» adlı xüsusi hərbi hava qüvvələri dəstəsinin pilotu Con Te-hun rəsmi aviaşou zamanı heç kimin cəsarət etmədiyi mürəkkəb bir manevr yerinə yetirir. Tədbirin nizamını pozan bu addım ona baha başa gəlir və xidmətdən qovulmaq təhlükəsi yaradır. Nəticədə gənc təyyarəçi intizam cəzası kimi F15K aviasiya bölməsinə göndərilir.

Yeni xidmət yerində Te-hun qaydalara ciddi riayət edən qrup lideri Li Çhol-hi ilə qarşılaşır. Sərbəstliyi sevən və təzyiq qəbul etməyən yeni pilotla nizam-intizam tərəfdarı olan zabit arasında dərhal ziddiyyət yaranır. Rəqabəti həll etmək üçün qırıcı təyyarələrdə yarış təşkil olunur və bu sınaqda Te-huna texniki xidmətin ən bacarıqlı mütəxəssisi olan Yu Se-yon kömək edir.

2012-ci ildə çəkilmiş Cənubi Koreya istehsalı «Səmaya doğru» filminin rejissoru Kim Don-vondur. Döyüş, dram və melodram janrlarını birləşdirən ekran əsərində baş rolları Reyn, Şin Se-qyon, Li Ha-na və Çhve Cin-ho canlandırır.