Gizli missiya

Şimali Koreyanın xüsusi təyinatlı elit dəstəsinin üç döyüşçüsü iki ölkəni birləşdirmək məqsədilə Cənubi Koreyaya göndərilir. Onlar Seulun kasıb bir məhəlləsində məskunlaşaraq rəhbərlikdən gələcək siqnalı gözləməli və sıravi sakinlər kimi diqqət çəkmədən yaşamalı olurlar.

İki il ərzində casuslar bu sakit mühitə və adi həyat tərzinə tamamilə öyrəşirlər. Lakin gözlənilmədən mərkəzdən xüsusi əmr gəlir və qəhrəmanlar gizli tapşırığı icra etməyə məcbur qalırlar.

2013-cü ildə Cənubi Koreyada çəkilən «Gizli missiya» filmi döyüş, dram və komediya janrlarını birləşdirir. Ekran əsərinin rejissoru Çan Çhol-su, baş rol ifaçıları isə Ço Yon-cin, Mun Von-cu, Ko Çhan-sok və Pak Ki-undur.