Polad köpəkbalıqları

İran xüsusi xidmət orqanları kimyəvi silah üzrə mütəxəssisi qaçırır. Təhlükəli biliklərin düşmən əlinə keçməsinin qarşısını almaq üçün ABŞ hərbi rəhbərliyi hərəkətə keçir. Azad etmə tapşırığı xüsusi təyinatlı dəniz piyadalarının «Polad köpəkbalıqları» adlı xüsusi dəstəsinə həvalə olunur.

Əməliyyata rəhbərlik təcrübəli döyüşçü Bill Makkoma tapşırılır. O, bütün qrupun məsuliyyətini öz üzərinə götürərək təhlükəli tapşırığı yerinə yetirməyə çalışır. Həlledici məqamlarda komandirin təmkinli davranışı bütün əsgərlərə nümunə olur və onların nizam-intizamını qoruyur.

ABŞ istehsalı olan «Polad köpəkbalıqları» filmi 1997-ci ildə çəkilib. Döyüş janrında olan bu ekran işinin rejissoru Rodni Makdonald olub. Əsas rolları Tomas R. Martin, Tim Ebell, Billi Uorlok və Qəri Byuzi canlandırıb.