Superflayın qayıdışı

Keçmiş narkotacir Prist qanunsuz işlərdən birdəfəlik uzaqlaşaraq Avropada yaşamağa başlamışdı. Lakin Amerikada qalan köhnə şərikinin qətlə yetirilməsi xəbəri onu dinc həyatından ayırır. Dostunun hansı səbəbdən və kim tərəfindən öldürüldüyünü aydınlaşdırmaq üçün o, Birləşmiş Ştatlara qayıtmaq məcburiyyətində qalır.

«The Return of Superfly» filminin qəhrəmanı vətənində heç də xoş qarşılanmır. Pristin keçmişindən xəbərdar olan cinayətkar qruplar ona kömək edə biləcək hər kəsi aradan qaldırır, asayiş keşikçiləri isə onun hər addımını izləyərək təzyiq göstərir.

1990-cı ildə ABŞ-da lentə alınmış bu kriminal dramın rejissoru Siq Şordur. Ekran əsərində əsas obrazları Maylz Uotson, Qreqori Kuk, Rendi Frezier və Con Kanada Terrell canlandırıblar.