Ölüm hökmü

Nik böyük şirkətdə çalışan, ətrafındakılarla nəzakətlə davranan nümunəvi bir ailə başçısıdır. Onun qayğısız və dinc günləri doğmalarının əhatəsində problemsiz keçirdi. Lakin gözləri qarşısında baş verən gözlənilməz faciəvi hadisə onun bütün varlığını və düşüncəsini kökündən dəyişir.

İçində baş qaldıran qəzəb və intiqam hissi sakit xasiyyətli kişini tamamilə başqa bir insana çevirir. Doğmalarını qorumaq zərurəti ilə üz-üzə qalan Nik, ailəsinin təhlükəsizliyi naminə qarşısına çıxan heç bir maneəyə baxmayaraq ən sərt addımları atmağa qərar verir.

2007-ci il ABŞ istehsalı olan «Ölüm hökmü» (Death Sentence) kriminal döyüş filminin rejissoru Ceyms Vandır. Baş rolları Kevin Beykon, Qarret Hedlund, Kelli Preston və Cordan Qarret canlandırıblar.