Sonuncu ümid

Nüvə silahı daşıyan orbital stansiyanın heyəti iki kişi və bir qadından ibarətdir. Onlar kosmosda xidmət apararkən Yer kürəsində Üçüncü Dünya müharibəsi başlayır. Bir neçə aydan sonra stansiyada baş verən qəza astronavtları doğma planetə eniş etməyə məcbur edir.

Ağır enişdən sonra kosmik gəminin üzvləri sağ qalır, lakin onları yer üzündə təhlükə gözləyir. Sağ qalmış adamyeyənlər kişilərdən birini qətlə yetirir, digərini isə yerli silahlı dəstənin rəhbəri əsir götürür. Dağılmış gəminin içində huşsuz qalan qadın da tezliklə cinayətkarların əlinə keçir və heyət bu şəraitdə sağ qalmağa çalışır.

«Sonuncu ümid» (DEFCON-4) adlı Kanada istehsalı olan elmi-fantastik filmin rejissorları Diqbi Kuk və Pol Donovandır. 1985-ci ildə ekranlara çıxan lentdə baş rolları Florens Petterson, Donna Kinq, Qart Conson və Lenor Zann canlandırıb.