Bataqlıq məxluqunun qayıdışı

Gənc Ebiqeyl anasının müəmmalı ölümünün səbəbini aydınlaşdırmaq üçün ögey atası doktor Arkeynin elmi laboratoriyasına yollanır. Lakin alimin tamam başqa niyyətləri var. O, əbədi həyat verən xüsusi formulu tamamlamaq naminə qızı qurban verməyə hazırlaşır.

Qəhrəmanın köməyinə vaxtilə doktor Holland kimi tanınan sirli bataqlıq məxluqu çatır. O, qızı bataqlığın dərinliklərinə apararaq xilas edir və tezliklə onların arasında səmimi hisslər yaranır. Lakin amansız alim böyük silahlı dəstə toplayaraq bu qeyri-adi cütün izinə düşür.

«Bataqlıq məxluqunun qayıdışı» (The Return of Swamp Thing) adlı komediya və qorxu elementləri daşıyan fantastik filmi Cim Uaynorski ərsəyə gətirib. 1989-cu il ABŞ istehsalı olan bu ekran əsərində baş rolları Eys Mask, Cim Qrimşou, Monik Qabriel və Reks Pirson canlandırıb.