Amansız 3

Los-Anceles polisi şəhərdə peyda olan yeni qatil ilə bağlı çətin sınaq qarşısındadır. Qətllər şöbəsindən ayrılmış detektiv Sem Dits artıq bu cür işlərlə məşğul olmaq istəmir. Lakin cinayətkar məhz Ditsin adına xüsusi məktub göndərdikdə təcrübəli polis geri dönməyə razılaşır. O, araşdırmanı yalnız keçmiş şəriki Kalevski ilə birgə aparmaq şərtini irəli sürür.

Tezliklə məlum olur ki, izlənilən şəxs kriminalistikanı yaxşı bilir və dəlilləri təmizləməyi bacarır. Arxivləri araşdıran Dits həbsxanadan qaçmış Artur Porter adlı məhbusun gündəliyində bənzər cinayət üsuluna rast gəlir. Qatilin dördüncü qurbanı detektivin köhnə dostu Fransin olduqda, cinayətkarı tapmaq Sem üçün sırf şəxsi məsələyə çevrilir.

ABŞ istehsalı olan «Relentless 3» trilleri 1993-cü ildə ekranlara çıxıb. Filmin rejissoru Ceyms Lemmodur. Baş rolları Felton Perri, Patrisiya Ellison, Tom Bauer və Dayan Rodriqes canlandırıblar.