Quaid-e-Azam Zindabad

Uşaq vaxtı polis olan atası Qulaba ölkənin banisi Məhəmməd Əli Cinnahın əskinaslardakı əksinin haram pula dözmədiyini öyrədirdi. Yaşa dolub Kəraçidə müfəttiş kimi xidmətə başlayan Qulab isə bu nəsihətləri unudur. O, rüşvətxor bir məmura çevrilərək yerli korrupsionerlərə yardım etməyə vərdiş edir.

Atasının bu qanunsuz qazanclardan xəbər tutub dərddən vəfat etməsi gənc polisin gedişatını alt-üst edir. Heyvan həkimi və ictimai fəal olan Ciyaya qarşı hisslər bəsləməyə başlayan Qulab qəribə bir halla üzləşir. Belə ki, onun rüşvət kimi əldə etdiyi pulların üzərindən Cinnahın təsvirləri birdən-birə silinməyə başlayır.

2022-ci ildə nümayiş olunan Pakistan istehsalı «Quaid-e-Azam Zindabad» filminin rejissoru Nabil Qureşidir. Əsas obrazları Səlim Mayrac, Qavi Khan, Nəyyar Ecaz və Mahira Xan canlandırıblar. Ekran işi döyüş, dram və komediya janrlarını bir araya gətirir.