İflas

Uoll-stritdə çalışan gənc və iddialı bir treyder birjada qeyri-adi üsula əl atır. O, iqlim elminin göstəricilərinə əsaslanan xüsusi ticarət sistemi qurur. Yeni yanaşma sayəsində qısa müddətdə böyük məbləğdə vəsait qazanmağa nail olur.

Lakin maliyyə zirvəsinə qalxmaq və sürətli qazancın arxasınca qaçmaq öz fəsadlarını da gətirir. Əldə edilən zənginliyin arxasında ağır bədəl və gözlənilməz təhlükələr dayanır.

2010-cu ildə çəkilən «Krach» filmi Kanada, Fransa və Belçika birgə istehsalıdır. Triller və dram janrındakı layihənin rejissoru Fabris Jenestaldır, baş rolları isə İvan Foks, Qrem Katbertson, Patrisiya Stasyak və Artur Holden canlandırıb.