İtirilmiş tabor

1918-ci ilin payızında Fransada Birinci Dünya müharibəsinin şiddətli döyüşləri davam edir. Mayor Çarlz Vittlsinin rəhbərlik etdiyi Amerika hərbi bölməsi Arqon meşəsində strateji mövqeyi ələ keçirmək və qorumaq barədə tapşırıq alır. Hərbçilər ağır itkilər hesabına müqaviməti qıraraq təyin olunmuş nöqtəyə çatmağı bacarırlar.

Lakin sevinmək tez olur: bölmə hücum xəttindən həddən artıq irəli çıxdığı üçün düşmən arxasında qalır. Digər qüvvələrdən təcrid olunmuş heyət faktiki olaraq mühasirəyə düşür. «The Lost Battalion» filmi müttəfiqlərindən ayrı düşmüş əsgərlərin həmin tələ daxilindəki mübarizəsindən bəhs edir.

ABŞ və Lüksemburq istehsalı olan bu hərbi dram 2001-ci ildə rejissor Rassel Malkey tərəfindən ekranlaşdırılıb. Filmdə əsas obrazları Artur Kremer, Daniel Kaltacirone, Derek Küter və Denis Simonetta canlandırıblar.