Ən yaxın qohum

Çikaqo polisində xidmət edən Trumen Qeyts və yük maşını sürücüsü işləyən qardaşı Cerald doğma kəndlərini tərk edərək bu şəhərdə məskunlaşıblar. Eyni vaxtda yerli mafiya başçısı Con İzabella şəhərə yenicə gələn oğlu Lorensi qəddar qanqster Coui Rosselininin yanına yerləşdirir. Tələblərə məhəl qoymayıb maşını saxlamayan Cerald quldurların hücumuna tuş gəlir və Coui tərəfindən oradaca qətlə yetirilir.

Qohumlarının sərt xarakterini yaxşı bilən Trumen qan tökülməsinin qarşısını almaq üçün mafiya rəhbəri ilə görüşüb qatili tələb edir, lakin rədd cavabı alır. Əlində tutarlı sübut olmayan polis qardaşının hadisə şahidi olan köməkçisini axtarmağa məcbur qalır. Bu ərəfədə kənddən gələn digər qardaş Brayer ədaləti öz bildiyi kimi bərpa etmək üçün İzabellanın klubunu darmadağın edir.

«Ən yaxın qohum» (Next of Kin) filmi 1989-cu ildə ABŞ-da rejissor Con İrvin tərəfindən çəkilib. Triller və döyüş janrında olan layihədə Riçard Uorton, Reliues Uebb, Selli Merfi və Vinsent Quastaferro rol alıb.