Meloun

Uzun illər xüsusi xidmət orqanlarında çalışmış Riçard Meloun təqaüdə çıxaraq dinc bir guşədə məskunlaşmaq qərarına gəlir. Lakin Komstok adlı kiçik şəhərdən keçərkən avtomobili xarab olur və o, səfərini yarımçıq saxlamalı olur. Təmir üçün burada bir neçə gün qalmağa məcbur olan keçmiş agent qısa müddətdə qəsəbə sakinləri ilə tanış olur və onlarla dostluq münasibəti qurur.

Çox keçmir ki, Meloun bütün qəsəbənin yerli nüfuz sahibi Çarlz Dileyninin təsiri altında olduğunu öyrənir. Öz hakimiyyətini qorumaq üçün hər cür cinayətə hazır olan bu qüdrətli şəxs bütün ətrafı nəzarətdə saxlayır. Baş verənlərlə barışmaq istəməyən keçmiş kəşfiyyatçı Dileyni ilə açıq qarşıdurmaya girir.

Rejissor Harli Koklissin çəkdiyi «Malone» filmi 1987-ci ildə ABŞ-da istehsal olunub. Döyüş və triller janrında olan bu ekran əsərində Bruks Qardner, Filip Enqlim, Kennet MakMillan və Blu Mankuma rol alıblar.