Novokain

San-Dieqoda yaşayan Neytan Keyn maliyyə şirkətində menecer köməkçisi işləyir. O, anadangəlmə nadir xəstəlikdən əziyyət çəkir və heç bir fiziki ağrı hiss etmir. Milad bayramı ərəfəsində ofisə Şaxta baba geyimində silahlı şəxslər basqın edir. Qarətçilər seyfdəki pulları götürür, rəhbəri və polisləri qətlə yetirərək Neytanın xoşladığı əməkdaş Şerrini girov götürüb qaçırlar.

Əlavə polis qüvvələrinin gecikdiyini anlayan Keyn vaxt itirmədən cinayətkarların arxasınca düşür. «Novocaine» filmi ağrı hiss etməyən sakit bir işçinin sevdiyi qadını xilas etmək naminə atıldığı təhlükəli təqibi təsvir edir.

2025-ci il istehsalı olan bu komediya döyüş filmi Den Berk və Robert Olsen tərəfindən çəkilib. ABŞ, Kanada və CAR-ın birgə layihəsində əsas rolları Şon Uoker, Piter Stemmet, Rey Nikolson və Ember Midfander canlandırır.