Kabus döyüşçü

On altıncı əsrin ortalarında samuray Yoşi sevgilisinin öldürülməsinin şahidi olur və dondurucu gölə atılır. Əsrlər sonra onun buz qatında salamat qalmış cəsədi ABŞ-dakı qapalı elmi laboratoriyaya gətirilir. Alimlər qədim döyüşçünü yenidən həyata qaytarmağı bacarırlar, lakin laboratoriya işçilərindən birinin qılıncı oğurlamaq cəhdi onun ölümü ilə nəticələnir.

Nəzarətdən çıxan samuray laboratoriyadan qaçaraq müasir Los-Ancelesin yad və səs-küylü küçələrinə düşür. Şəhərdə qarət olunan köməksiz bir insanı görən Yoşi dərhal cinayətkarlara qarşı çıxaraq zərərçəkəni xilas edir. Qisas almaq istəyən quldur dəstəsi və qaçmış qədim döyüşçünü axtaran şəhər polisi onun izinə düşür, beləliklə Yoşi dörd əsr sonra yenidən təkbaşına mübarizə aparmalı olur.

«Kabus döyüşçü» (Ghost Warrior) fantastik döyüş filmi rejissor C. Larri Kerroll tərəfindən lentə alınıb. 1984-cü il istehsalı olan bu ABŞ filmində baş rolları Toşiro Obata, Con Kelvin, Keysi Braun və Fil Rubenşteyn canlandırır.