Kosmik ovçular

Balaca Piter valideynlərinin çalışdığı şirkətin anbarında vaxt keçirirdi. Bu zaman məkana basqın edən kosmik quldurlar mühafizəçiləri məhv edərək yük gəmisini ələ keçirirlər. Nə edəcəyini bilməyən uşaq qaçmaq əvəzinə həmin ulduz gəmisinin içində gizlənir.

Quldurlar Piteri aşkar etdikdən sonra o, doğma planetinə qayıtmaq üçün yalvarır. Dəstənin kapitanı təqibdən qurtulduqdan sonra onu evinə çatdıracağına söz verir. Lakin şirkət qaçaqların məhv edilməsi məqsədilə onların ardınca sürətli və təhlükəli döyüş gəmisi yollayır.

«Kosmik ovçular» filmi Hovard R. Koen tərəfindən çəkilmiş macəra və fantastika janrında döyüş filmidir. 1983-cü ildə ABŞ-da istehsal olunmuş layihədə Devid Mendenholl, Maykl Miller, Uilyam Boyett və Hovard Deyton kimi aktyorlar çəkiliblər.