Krippendorfun qəbiləsi

Antropologiya professoru Ceyms Krippendorf elmi araşdırma üçün yüz min dollar qrant alaraq Yeni Qvineyaya yollanır. Məqsədi yer üzündə qalmış sonuncu vəhşi qəbiləni tapmaq olsa da, səfər uğursuzluqla bitir: pullar xərclənir, axtarışlar isə heç bir nəticə vermir. Universitetdəki həmkarları ondan cəngəllik sakinlərinin videogörüntülərini və geniş hesabat tələb edirlər.

Yalanın üzə çıxacağından qorxan alim vəziyyətdən çıxış yolu tapır. O, öz həyətində daxmalar qurur və tərbiyəyə tabe olmayan uşaqlarını naməlum qəbilə üzvləri kimi qələmə verərək onları lentə alır. Qondarma çəkilişlər baş tutsa da, elmi dairələrdə bu qəribə tapıntıya şübhə ilə yanaşanlar hələ də qalmaqdadır.

«Krippendorfun qəbiləsi» adlı macəra filmi 1998-ci ildə ABŞ-da rejissor Todd Holland tərəfindən lentə alınıb. Baş rollarda Xuan Kanopii, Qreq Bronson, Devid Oqden Stayers və Flinn Bek çəkiliblər.