Gecə qaçışı

Las-Veqasda taksi sürən Cerri Loqan adi günlərin birində avtomobilinin arxa oturacağında bir milyon dollarla dolu çanta tapır. Həmin külli miqdarda pulu maşında unudan sərnişin isə mafiyadan qaçmağa çalışan bəxtsiz biri olub. Beləliklə, Cerri heç gözləmədiyi halda təhlükəli cinayət şəbəkəsinin hədəfinə çevrilir.

Pulu mənimsəyən sürücü ölkəni dərhal tərk etməyi planlaşdırır. Lakin bu o qədər də asan başa gəlmir, çünki izinə Devid Ekxard adlı amansız və təcrübəli muzdlu qatil düşür. Təqibçi oğurlanmış vəsaiti geri qaytarmaq üçün qaçqının addım-addım arxasınca irəliləyir.

ABŞ istehsalı olan «Gecə qaçışı» (Night of the Running Man) filmi 1995-ci ildə ekranlara çıxıb. Triller və döyüş janrında çəkilən bu ekran əsərinin rejissoru Mark L. Lesterdir, əsas rolları isə Skott Qlenn, Aleks Zonn, Entoni Pondzini və Cinna Maykls canlandırıb.