Qudurmuş tülkülər

Varlı bir gənc olan Hel və rəfiqəsi aqressiv bayker dəstəsinin hücumuna məruz qalır. Cinayətkarlar oğlanı amansızcasına döyür, qızı isə zorlayırlar. İntiqam almaq istəyən Hel kikboksinq klubundakı yoldaşlarını köməyə çağırır və idmançılar təcavüzkarlardan qisas alırlar.

Lakin motosikletçilər faşist təşkilatının üzvü çıxır və məsələ bununla bitmir. Avtomatlarla silahlanan quldurlar idman zalına basqın edərək oranı gülləboran edirlər. Möcüzə nəticəsində sağ qalan Hel kənd yerində yaşayan köhnə rəfiqəsinin yanına sığınır. Baykerlər onu dinc kənddə də rahat buraxmır və izinə düşürlər.

«Qudurmuş tülkülər» (Los violadores) döyüş filmi 1981-ci ildə rejissor Pol Qrau tərəfindən İspaniya və İsveçrənin birgə istehsalı kimi çəkilib. Trillerin əsas rollarında Helmi Siqq, Ester Stader, Andrea Albani və Erik Falk çıxış edir.