Dhada

Los-Ancelesdə məskunlaşan Vişvas cəsarətli və ədalətli bir gəncdir. O, böyük qardaşı Racivə və onun həyat yoldaşına valideynləri kimi ehtiram bəsləyir, çətin vəziyyətə düşənlərə hər zaman əl uzadır. Günlərin birində o, milyonçu ailənin qızı Riya ilə rastlaşır. Qızın var-dövləti onu zərrə qədər maraqlandırmır, lakin zənginliyin içində bədbəxt olan bu gənc qadını hər cür təhlükədən qorumağı özünə borc bilir.

Lakin Vişvasın bu fədakarlığı yerli cinayətkar qrupların planlarını alt-üst edir. Təsadüfən təkayaqlı hindistanlı mafioz R.D. və amansız kolumbiyalı Kelli arasındakı sövdələşməni pozur. Nəticədə Kellinin qardaşı həyatını itirir və hər iki quldur başçısı gəncin izinə düşür. Beləliklə, onun ailəsi və sevdiyi hər kəs hədəfə çevrilir.

2011-ci ildə Hindistanda çəkilmiş «Dhada» filmi döyüş və komediya janrlarını birləşdirir. Ekran əsərinin rejissoru Ecay Bhuyandır. Əsas rolları Naqa Çaytaniya, Kacal Aqqarval, Srikanth və Kelli Dorci canlandırıblar.