Dağıdıcı

Metro-siti şəhərində cinayətkarlıq həddindən artıq artıb. Xüsusi əməliyyatlardan birində polis əməkdaşı Alisa Lloyd Qudurğan İt ləqəbli quldur və onun dəstəsi tərəfindən vəhşicəsinə öldürülür.

Lakin polisin hekayəsi bununla bitmir, çünki o, «Lazarus» adlı tam məxfi layihənin iştirakçısına çevrilir. Ən son elmi texnologiyalar sayəsində həyata qaytarılan qadın biogenetik cəhətdən gücləndirilmiş döyüşçü statusu alır. Artıq «Dağıdıcı» adlanan qəhrəman qabaqcıl silahlarla təchiz olunaraq onu qətlə yetirən dəstə üzvlərindən qisas almaq üçün yola çıxır.

«The Demolitionist» filminin rejissoru Robert Kurtsmandır. ABŞ və Kanadanın birgə istehsalı olan bu fantastik döyüş filmi 1995-ci ildə işıq üzü görüb, baş rollarda isə Nikol Eqqert, La Tanya Holl, Riçard Qreko və Syuzen Tayrrell çəkiliblər.