Holoqram adam

Gələcəyin Los-Ancelesində bütün səlahiyyətlər Edvard Ceymsonun rəhbərlik etdiyi nəhəng bir korporasiyanın əlində cəmləşib. Şəhərdəki bu rejimə qarşı çıxan Slash ləqəbli Norman Qallaqer mübarizəsini qanlı terror hücumları ilə aparır. O, şirkət əməkdaşlarını, şəhər qubernatorunu və polis zabiti Ves Striklendi qətlə yetirir. Cinayətkarı zərərsizləşdirmək isə öldürülən polisin həmkarı, Dekoda adlı gənc asayiş keşikçisinə nəsib olur. Nəticədə Norman beynin yenidən proqramlaşdırılması üçün xüsusi holoqrafik həbsxanaya göndərilir.

Beşillik cəza müddəti tamamlanmamış tərəfdarları Qallaqerin beynini və rəqəmsal surətini qaçırırlar. Azadlığa çıxan qatil artıq divarlardan keçə bilən, güllə və yanğına məruz qalmayan toxunulmaz bir holoqrama çevrilir. Slash onu həbs edən Dekodadan intiqam almağa çalışaraq onu ölümcül yaralayır, lakin polisin rəfiqəsi Natali Dekodanı da holoqram şəklinə salaraq həyatını xilas edir. Eyni fövqəltəbii güclərə yiyələnən Dekoda düşməni dayandırmaq üçün onunla təkbətək döyüşə girir.

ABŞ istehsalı olan bu fantastik triller 1995-ci ildə rejissor Riçard Pepin tərəfindən lentə alınıb. Filmin əsas rollarını Co Lara, Koul S. MakKey, Tom Lister kiçik və Cim Maniaçi canlandırıblar.