Beverli-Hillzin işğalı

Bir qrup cinayətkar Beverli-Hillzin varlı məhəllələrini qarət etmək üçün təhlükəli plan qurur. Onlar zəhərli qaz sızması barədə saxta qəza xəbəri yayaraq ərazidə kütləvi təxliyə təşkil edirlər. Sakinlər evlərini tələsik tərk etdikdən sonra kimsəsiz qalan dəbdəbəli malikanələr və mağazalar soyğunçuların hədəfinə çevrilir.

Lakin cinayətkarların qurduğu bu sxem gözlənilməz maneə ilə üzləşir. Rəfiqəsinin evində qonaq olarkən vanna otağında yuxuya gedən amerikalı futbolçu təxliyə barədə xəbərdarlıqları eşitmir. Ayıldıqdan sonra küçələrdəki qarəti görən idmançı təkbaşına soyğunçulara qarşı mübarizəyə başlayır.

ABŞ istehsalı olan «Beverli-Hillzin işğalı» (The Taking of Beverly Hills) filmi 1991-ci ildə rejissor Sidni C. Fyuri tərəfindən çəkilib. Döyüş və triller janrlı ekran əsərində baş rolları Ken Uol, Toni Qenios, Alonna Şou və Uilyam Prins canlandırıblar.