Qanlı oyunlar

Qadınlardan ibarət beysbol komandası növbəti matç üçün kiçik bir şəhərə yollanır. Geri qayıtmazdan əvvəlki gecə idmançı qızlardan ikisi təcavüz cəhdi ilə üzləşir. Məşqçi dərhal qızların müdafiəsinə qalxır və yaranan qarşıdurma yerli nüfuzlu şəxs Mino Kollinsin oğlunun ölümü ilə nəticələnir.

Övladının itkisi ilə barışa bilməyən Kollins qisas almaq qərarına gəlir. O, komandanın hər bir üzvünün qətli üçün min dollar mükafat təyin edərək idmançıların izinə qatillər salır. Qızlar canlarını qurtarmaq üçün təhlükə ilə üz-üzə qalırlar.

«Blood Games» filmi 1990-cı ildə ABŞ-da rejissor Tanya Rozenberq tərəfindən çəkilib. Triller janrındakı bu ekran işində əsas rolları Ken Karpenter, Roys O’Donnell, Lora Albert və Li Benton ifa edirlər.