Zəncirvari reaksiya

Avstraliyadakı zəlzələdən sonra radioaktiv tullantıların saxlandığı təcrid olunmuş müəssisədə ciddi sızma baş verir. Qəzada zədələnən mühəndis Henrix Şmidt zəhərli maddələrin geniş əraziyə yayılaraq yeraltı suları zəhərləyəcəyini anlayır. Lakin obyektin rəhbərliyi minlərlə insanın həyatını təhlükə altına ataraq hadisəni ictimaiyyətdən gizlətmək qərarına gəlir.

Rəhbərliyin göndərdiyi silahlı təqibçilərdən meşəyə qaçan yaralı mühəndis istiqaməti itirir. Həmin ərazidə xanımı Karmel ilə istirahət edən avtomexanik Larri qaçqınla rastlaşır və ona dəstək olur. «The Chain Reaction» filminin qəhrəmanları gizlədilən təhlükə barədə insanları vaxtında xəbərdar etmək üçün təqibçilərlə mübarizə aparırlar.

Avstraliya istehsalı olan bu fantastik döyüş filmi 1980-ci ildə rejissor Yen Berri tərəfindən çəkilib. Baş rolları Maykl Lonq, Frenki C. Holden, Ralf Kotterill və Rocer Uord canlandırıblar.