Dəmir hökmdarı

Vulkan püskürməsindən sonra ibtidai insanlar əvvəllər heç rast gəlmədikləri qara daş kəşf edirlər. Həmin materialdan düzəldilən silahlar sümük və ağacdan olan bütün alətləri üstələyir. Bu tapıntı qəbilə başçısı olan atasını qətlə yetirdiyi üçün qovulmuş Vudun əlinə keçir. Yeni kəsici vasitələrə yiyələnən Vud bütün dərəni özünə tabe edir və ətrafındakılara bütün dünyanı fəth etməyi vəd edir.

Zalım hökmdara qarşı çıxmaq cəsarətini yalnız Ella adlı gənc tapır. O, narazı insanları öz ətrafında toplayaraq dəmir qılınclara qarşı çevik budaqlardan ox və kaman düzəldir. İki fərqli silahın qarşıdurması ibtidai dövrün nizamını kökündən dəyişdirir.

«Dəmir hökmdarı» (La guerra del ferro: Ironmaster) macəra filmi 1983-cü ildə İtaliya və Fransa tərəfindən birgə istehsal olunub. Ekran əsərinin rejissoru Umberto Lentsidir, baş rolları isə Corc İstmen, Benito Stefanelli, Danilo Mattei və Ottaviano Dell'Akkva ifa ediblər.