Küçə döyüşçüsü

Amansız bir diktator günahsız insanları girov götürərək azadlıqları müqabilində milyonlarla dollar tələb edir. Bu təhlükəni aradan qaldırmaq və cinayətkarın gizli qərargahını tapıb onu zərərsizləşdirmək tapşırığı qorxmaz polkovnik Vilyam Qayla həvalə olunur.

Polkovnik çətin əməliyyat zamanı tək qalmır, ona fərqli xarakterlərə malik etibarlı dostları dəstək olur. Bir-birinə bənzəməyən bu döyüşçüləri qələbəyə olan inam və başladığı işi sona qədər çatdırmaq əzmi birləşdirir.

«Street Fighter» bədii filmi 1994-cü ildə rejissor Stiven E. de Souza tərəfindən çəkilib. ABŞ, Yaponiya, Avstraliya və Honkonqun birgə istehsalı olan bu fantastik döyüş filmində əsas rolları Raul Xuliya, Roşan Set, Robert Mammone və Cerri Dey canlandırıb.