Point Blank

Ölüm cəzasına məhkum edilmiş şəxs digər cinayətkarlarla birgə həbsxana avtobusundan qaçır. Qaçaqlar böyük ticarət mərkəzində insanları girov götürür və nəticədə günahsız insanlar həyatını itirir. Bu hadisə barədə keçmiş xüsusi təyinatlı olan qardaş və onun yaşlı atası xəbər tutur.

Kazino sahibi ilə mafiozların qətlində təqsirləndirilən məhbusun əslində şərləndiyi məlum olur. Qardaş atasının xahişi ilə qan bağlarına arxalanaraq hadisə yerinə yollanır. O, Federal Təhqiqat Bürosunun agentləri binaya hücum etməmişdən əvvəl içəri daxil olmağı bacarır.

«Point Blank» filmi 1997-ci ildə ABŞ-da rejissor Mett Erl Bisli tərəfindən çəkilib. Kriminal döyüş dramında Frederik Forrest, Kevin Qeyc, Conni Martin Uolters və Ceyms E. Arnett kimi aktyorlar rol alıb.