Həmin qız

Bir qrup terrorçu Heydərabadda hərəkətin sıx olduğu körpünü partlatmaq və həbsdəki liderlərinin azadlığa buraxılmasını tələb etmək qərarına gəlir. Yollarda qəsdən qəzalar törədən cinayətkarlar yüzlərlə maşını və dinc sakini körpünün üstündə tələyə salır. Bu böyük tıxacda qalan Krişna Vaçan qonşu avtomobildə uşaqlıq sevgisi Satyabhamanı görür.

Lakin partlayıcılar vaxtında işə düşmür və yaraqlıların ilkin planı pozulur. Nəticədə terrorçuların başçısı Krişna ilə əlaqə yaradaraq sevdiyi qızın həyatı bahasına ondan partlayıcı qurğuları öz əli ilə işə salmağı tələb edir.

«Okka Ammayi Thappa» filmi 2016-cı ildə Hindistanda çəkilib və döyüş, dram və melodram janrlarını birləşdirir. Ekran əsərinin rejissoru Racasimhadır, baş rolları isə Sundip Kişan, Nitya Menen, Acay və Prudxvirac canlandırıb.