Müqəvvalar

Beş nəfərdən ibarət silahlı qrup ABŞ hərbi hava bazasına hücum edərək külli miqdarda pul ələ keçirir. Quldurlar üç milyon dolları götürdükdən sonra pilotu və onun qızını girov götürərək təyyarə ilə Meksikaya doğru istiqamət alırlar.

Uçuş zamanı cinayətkarlardan biri şəriklərini aldadaraq pullarla birlikdə paraşütlə aşağı tullanır. Digər qrup üzvləri xəyanətkar yoldaşlarının izinə düşərək onu gecə vaxtı tərk edilmiş bir fermada tapırlar. Qarğıdalı zəmisinin ortasında qəribə qaydada düzülmüş bostan müqəvvaları isə gözlənilməz təhlükə mənbəyinə çevrilir.

«Scarecrows» filmi 1988-ci ildə ABŞ-da rejissor Uilyam Uesli tərəfindən çəkilib. Döyüş və qorxu elementlərini birləşdirən ekran əsərində baş rolları Riçard Vidan, Deks Vernon, Viktoriya Kristian və B.C. Terner canlandırıb.