Qara kəmər

Rok ifaçısı Şenna həyatına qarşı yönələn real təhlükə ilə üzləşir. Naməlum şəxslər müğənnini aradan qaldırmaq və ya gizli məqsədlərlə qaçırmaq üçün fürsət axtarırlar. Yaranmış vəziyyətdə sənətçi kömək üçün şəxsi mühafizəçiyə müraciət etməyi qərara alır.

O, təhlükəsizliyini təmin etmək üçün əlbəyaxa döyüş üzrə peşəkar olan keçmiş polis zabiti Cek Dillona güvənir. Yeni işinə məsuliyyətlə yanaşan Cek müğənnini qorumaq üçün bütün bacarığını işə salır və yoluna çıxan qatilləri amansızcasına sıradan çıxarır.

«Blackbelt» adlı döyüş filmi 1992-ci ildə ABŞ-da lentə alınıb. Layihənin rejissor kürsüsündə Rik Ceykobson və Çarlz Filip Mur əyləşib, əsas obrazları isə Mattias Hyuz, Cek Forsinito, Deyrdre İmerşen və Mişel Krasnu canlandırıb.