Kukla polis

Arturus planetinin amansız asayiş keşikçisi Brik uzun müddətdir təhlükəli bir cinayətkarın izinə düşüb. Əvvəlki döyüşlərdən sonra rəqibindən yalnız canlı başı qalsa da, qaçmağı bacarır. Onu kosmik gəmidə təqib edən Brik enerji sahəsinə düşərək qəzaya uğrayır və Yer kürəsinə, Nyu-Yorkun Cənubi Bronks rayonuna enir. Burada bəlli olur ki, yadplanetli polisin boyu cəmi on üç düymdür və o, insanlarla müqayisədə cırtdan kimi görünür.

Kiçik boyuna baxmayaraq, Brik cinayətkarlarla barışmaz mübarizəsini yad planetdə də davam etdirir. Küçə quldurları və narkotacirlər onun hədəfinə çevrilir, lakin toqquşmaların birində qəhrəman yaralanır. Onu oğlu ilə yaşayan yerli bir qadın xilas edərək sağaldır. Çox keçmədən cinayətkar baş yerli dəstəyə qoşulur, quldurlar isə Briki sığınacaqla təmin edən qadını qaçırırlar.

ABŞ istehsalı olan bu fantastik komediya döyüş filmi rejissor Albert Pyun tərəfindən lentə alınıb və 1991-ci ildə işıq üzü görüb. Ekran əsərində əsas rolları Cadd Omen, Ceki Erl Heyli, Loriann Ceymison və Dayana Ortelli canlandırıblar.