Xoşbəxtlik

Nüfuzlu siyasətçinin qızı olan tibb tələbəsi Madhumati həkim olmaq arzusundadır. Xəstəxanada təcrübə keçdiyi günlərdə o, Banni adlı gənclə qarşılaşır. İlk baxışdan bir-birinə nifrət edən bu iki gənc gözlənilməz vəziyyət ucbatından saxta nikah bağlamaq məcburiyyətində qalırlar.

Eyni evdə yaşamaq məcburiyyəti gənclərin münasibətini tədricən dəyişməyə başlayır. Əvvəlki soyuqluq yerini möhkəm dostluğa və ardınca səmimi sevgiyə verir. Lakin yeni yaranan bu hisslərin qarşısında çoxsaylı çətinliklər və maneələr dayanır.

2006-cı il istehsalı olan Hindistan filmi «Happy» dram, komediya və döyüş elementlərini özündə birləşdirir. Rejissoru A. Karunakaran olan layihədə baş rolları Allu Arjun, Ceneliya D'Suza, Manoc Bacpayi və Kişor canlandırıblar.