Vendetta

Hollivud kaskadyoru Lorinin kiçik bacısı ona hücum edən təcavüzkardan qorunarkən onu öldürür. Yetərli dəlillər toplanmadığı üçün məhkəmə gənc qıza iki illik həbs cəzası kəsir. Qadın koloniyasında isə idarəçilik amansız cinayətkar qruplaşmaların əlindədir. Oradakı sərt qaydalarla barışmaq istəməyən bacı ağır işgəncələrə məruz qalaraq qətlə yetirilir, lakin rəsmi qurumlar ölümü intihar kimi qeydə alır.

Bu izahata inanmayan Lori eyni cəzaçəkmə müəssisəsinə düşmək üçün qəsdən cinayət törədir. Qisas almaq və həqiqəti üzə çıxarmaq istəyən qadın həm təhlükəli məhbusların, həm də mühafizəçilərin özbaşınalığı ilə üzləşir. Təcrübəli kaskadyor bacısının qətlinin arxasındakı şəxsləri tapdıqdan sonra qarşısıalınmaz qisas yoluna qədəm qoyur.

1986-cı ildə ABŞ-da istehsal olunmuş «Vendetta» filmi döyüş və dram janrındadır. Ekran əsərinin quruluşçu rejissoru Bryus Loqandır, əsas rolları Rozi Flores, Ken Solomon, Linda Laytfut və Marşall R. Tiq canlandırıblar.