Məhkəmə səhvi

Nyu-Yorkda yalançı çağırışa yollanan iki polis əməkdaşının qətlindən sonra detektiv Stiv Donahyu işə qoşulur. O, şübhəli şəxsə qarşı təkzibedilməz sübutlar tapmaq məqsədilə təxribat xarakterli plan qurur. Əməliyyat nəticəsində lazımi dəlillər əldə edilsə də, Stiv hadisə ilə heç bir əlaqəsi olmayan iki günahsız insanın ölümünə səbəb olur.

Aparılan rəsmi istintaqın səhv istiqamətə yönəlməsi vəziyyəti daha da qəlizləşdirir. Hadisələrin bu cür gedişatı Stivi çıxılmaz vəziyyətə salır və onu ən kəskin addımları atmağa məcbur edir.

ABŞ istehsalı olan «Mistrial» trilleri 1996-cı ildə ekranlara çıxıb. Heyvud Quldun rejissorluq etdiyi filmdə baş rolları Robert Lodca, Nerene Virgin, Keyt Börton və Don Ellison canlandırıb.