Munna

Munna uşaqlıq illərini yetimxanada keçirib. Vaxtilə anası atasının xəyanəti və onu başqa adamlara satması səbəbindən oğlunun gözləri qarşısında həyatına son qoyub. İllər keçsə də, gənc oğlan bütün şəhəri qorxu altında saxlayan həmin qəddar cinayətkarı — doğma atası Xakanı cəzalandırmaq niyyətindən əl çəkmir.

Munnanın atası ilə qarşıdurması Xakanın digər oğlu və özünün kiçik qardaşı olan Rahulla toqquşması ilə başlayır. Şəhərin sadə sakinləri onu öz xilaskarı kimi gördüyü üçün qisas yolundan dönmək artıq mümkün deyil. Qan qohumuna qarşı bu mübarizədə Munnanın yanında sadiq dostları və sevdiyi qız Nixi dayanır.

Hindistan istehsalı olan «Munna» filmi 2007-ci ildə ekranlara çıxıb. Ekran əsərinin rejissoru Vamsi Paidipallidir, əsas rolları isə Prakaş Rac, İleana D'Kruz, Brahmaji və Rahul Dev canlandırıb.