Rulet kralları

Pelayo ailəsi qumarxanaların sistemini qanuni yolla sındırmağa qərar verir. Real hadisələrə əsaslanan bu filmdə qəhrəmanlar rulet və kart oyunlarında qazanmaq üçün öz bacarıqlarından istifadə edirlər. Onlar hiylə qurmadan, riyazi yanaşma ilə qalib gəlməyin yolunu tapırlar.

Ailə üzvləri dünyanın müxtəlif kazinolarını gəzərək böyük məbləğlər əldə edirlər. Uğurlu fəaliyyətləri sayəsində böyük sərvət toplayan qrupun adı sonradan məşhur poker məktəbinin adında əbədiləşdirilir.

İspaniya istehsalı olan «The Pelayos» filmi 2012-ci ildə rejissor Eduard Kortes tərəfindən çəkilib. Ekran əsərində baş rolları Pako Moreno, Marina Salas, Mark Ulyod və Pako İdalqo ifa edirlər.