Qara oktyabr

Amerikalı jurnalist Mayk Anderson Təl-Əviv yaxınlığında yerləşən ABŞ Hərbi Dəniz Qüvvələri bazasına edilən hücumu araşdırmağa başlayır. Hadisənin kökünə çatmaq istəyən müxbir tezliklə öz həyatının təhlükədə olduğunu anlayır. Əldə etdiyi məlumatlar göstərir ki, hərbi obyektə basqın əslində daha böyük təhlükəni gizlətmək üçün düşünülmüş sadəcə bir yayındırma gedişidir.

Cinayətkarlar Andersonun həqiqəti üzə çıxarmasının qarşısını almaq üçün onun arxasınca düşürlər. Mayk dini fanatiklərin Müqəddəs Cümə gününə təsadüf edən qorxunc bir təxribat planlaşdırdığını öyrənir. Bu planın həyata keçməsi isə hətta üçüncü dünya müharibəsinə səbəb ola bilər.

«Qara oktyabr» (Cover-Up) filmi 1991-ci ildə Böyük Britaniya və İsrail kinematoqrafçıları tərəfindən döyüş, triller və dram janrlarında çəkilib. Rejissoru Menni Koto olan ekran əsərində əsas rolları Con Seynt Rayan, Uri Qavriel, Maykl Qrinspen və Cek Messincer canlandırıb.