Mənim elmi layihəm

Yuxarı sinif şagirdi Maykl Harlan dərslərinə o qədər də həvəs göstərmir, amma məktəb üçün elmi layihə hazırlamaq məcburiyyətində qalır. Təqdimat üçün fərqli bir şey tapmaq istəyən gənc Müdafiə Nazirliyinin atılmış hərbi poliqonuna yollanır. Orada tullantıların arasında qəribə bir əşyaya rast gəlir və tezliklə bunun yadplanetlilərə məxsus zaman maşını olduğu üzə çıxır.

Maykl bu naməlum qurğunu ehtiyatsızlıqdan işə salır və nəticədə hər şey nəzarətdən çıxır. Cihaz işləməyə başladıqdan sonra baş qəhrəman və onun məktəb yoldaşları zaman labirintlərində gözlənilməz hadisələrlə üzləşirlər. Təhlükəli və maraqlı sınaqlar gəncləri müxtəlif dövrlərə aparıb çıxarır.

«My Science Project» adlı bu macəra və komediya filminin rejissoru Conatan R. Betueldir. 1985-ci ildə ABŞ-da çəkilmiş ekran əsərində baş rolları Cekson Bostvik, Maykl Berriman, Bo Dremann və Ceym Alba canlandırıb.