Qaynar şəhər

Şəhər küçələri hər gün qətllər törədən silahlı quldur dəstələrinin nəzarəti altındadır. Basketbol oyununda dəstə üzvünə qalib gələn gənc oğlan avtomat atəşi ilə amansızcasına öldürülür. Cinayətkarların maşın nömrəsini polisə bildirən yaşlı mağaza sahibi də quldurların hədəfinə çevrilərək güllələnir.

Baş verənlərdən sonra mağaza sahibinin futbol ulduzu olan oğlu və qətlə yetirilən gəncin peşəkar boksçu atası məhəlləyə qayıdır. Keçmişdə yerli qruplaşmanın liderləri olmuş bu şəxslər silahlanır, məhəllənin dinc sakinlərini ətraflarına toplayır və cinayətkarlara qarşı böyük döyüşə başlayırlar.

1996-cı il istehsalı olan «Original Gangstas» adlı döyüş və kriminal filmi ABŞ-da Fred Uilyamson və Larri Koen tərəfindən çəkilib. Baş rollarda Fred Uilyamson, Devid Ernandez, Qodfri və Bişop Don Mecik Xuan çıxış edir.