Amerikan əjdahaları

Nyu-York polisi Toni Luka nüfuzlu iş adamı və yakuza rəhbərlərindən biri olan Nodanın qətli ilə bağlı işi araşdırmağa başlayır. Təhqiqat zamanı ona Seuldan gələn həmkarı qoşulur. Koreyalı müstəntiq cinayətin arxasında başqa dəstələrin başçılarını məhv edərək nüfuz qazanan qaniçən qatil Kuro-Nayın dayandığını düşünür.

Şəriklər təhlükəli cinayətkarı yaxalamaq üçün tələ qururlar, lakin onun növbəti hədəflərinin məhz özləri olduğunu bilmirlər. Tərəflər arasında ölümcül mübarizə başlayır və ovçunun kim, qurbanın kim olduğu sual altına düşür.

«Amerikan əjdahaları» (American Dragons) adlı kriminal döyüş filmi rejissor Ralf Hemeker tərəfindən çəkilib. ABŞ və Kanada istehsalı olan bu ekran əsəri 1998-ci ildə işıq üzü görüb. Baş rolları Bayron Mann, Bred Lori və digər aktyorlar canlandırıblar.